ကျွန်ုပ်တို့ စုဆောင်းနိုင်သည့် အချက်အလက်များ

ကျွန်ုပ်တို့သည် အနည်းဆုံးလိုအပ်သော အချက်အလက်ကိုသာ စုဆောင်းခြင်း ဆိုသည့် မူဝါဒကို ကျင့်သုံးပြီး သင့်ကိစ္စအား ကူညီပံ့ပိုးရန် လိုအပ်သော အချက်အလက်များကိုသာ စုဆောင်းပါသည်။

3.1 သင်မျှဝေသော အချက်အလက်များ

သင်ကိုယ်တိုင် မျှဝေရန် ရွေးချယ်ထားသော အချက်အလက်များကို စုဆောင်းနိုင်ပါသည်။ ဥပမာအားဖြင့် -

• အမည် သို့မဟုတ် ခေါ်ဝေါ်သည့်အမည်
• ကျား/မ
• ဆက်သွယ်ရန် အချက်အလက်များ
• ယေဘုယျ တည်နေရာ
• သင်ဖော်ပြထားသည့် အခြေအနေ

3.2 အသုံးပြုသည့် ပလက်ဖောင်း

ကျွန်ုပ်တို့သည် အသံ သို့မဟုတ် ဗီဒီယိုခေါ်ဆိုမှုများကို မှတ်တမ်းတင်ခြင်းမပြုပါ။ Telegram တွင်လည်း ပျောက်ကွယ်သွားသည့် မက်ဆေ့ချ်စနစ်ကို အသုံးပြုပါသည်။

ကျွန်ုပ်တို့ထံ ဆက်သွယ်ရာတွင် သင်အသုံးပြုသော ပလက်ဖောင်းပေါ်မူတည်၍ စက်ပစ္စည်းအမျိုးအစားကဲ့သို့သော နည်းပညာဆိုင်ရာ အချက်အလက်အနည်းငယ်ကို အလိုအလျောက် စုဆောင်းနိုင်ပါသည်။

ကျွန်ုပ်တို့၏ လုံခြုံသော အမှုကိစ္စစီမံခန့်ခွဲမှုစနစ် (Online Ambulance platform) ကို အသုံးပြုရာတွင် သင့်အမည်မဖော်ဘဲ အသုံးပြုရန် ရွေးချယ်နိုင်ပါသည်။

3.3 အမှုကိစ္စကို အဆင့်မြှင့်တင်ဖြေရှင်းရန် လိုအပ်သော အချက်အလက်များ

နည်းပညာဆိုင်ရာအကူအညီ: အွန်လိုင်းပလက်ဖောင်းများမှ အန္တရာယ်ဖြစ်စေသော အကြောင်းအရာများကို ဖယ်ရှားရန် သင်အကူအညီတောင်းပါက သက်ဆိုင်ရာ အကြောင်းအရာ၏ လင့်ခ်များ (URLs) ကို မျှဝေပေးရန် ကျွန်ုပ်တို့ တောင်းဆိုနိုင်ပါသည်။

ယေဘုယျအားဖြင့် screenshot များကို ကျွန်ုပ်တို့ မလိုအပ်ပါ။ သို့သော် အချို့သောအခြေအနေများတွင် ပလက်ဖောင်းတစ်ခုက တိုင်ကြားချက်ကို ဆောင်ရွက်နိုင်ရန် screenshot ကဲ့သို့သော ထပ်ဆောင်းအထောက်အထားများကို တောင်းဆိုနိုင်ပါသည်။

ထိုသို့ဖြစ်ပါက ထပ်ဆောင်းပစ္စည်းများကို မစုဆောင်းမီ သို့မဟုတ် မမျှဝေမီ သင့်အား အကြောင်းကြားပြီး သဘောတူညီချက်တောင်းခံပါမည်။

3.4 စိတ်ပိုင်းဆိုင်ရာအကူအညီ

ခေါ်ဆိုမှု သို့မဟုတ် စာသားအခြေပြုဝန်ဆောင်မှုများမှတစ်ဆင့် ကျွန်ုပ်တို့၏ အကြံပေးပညာရှင်များနှင့် သင်မျှဝေသမျှကို လျှို့ဝှက်အချက်အလက်အဖြစ် ကိုင်တွယ်ပါမည်။

သင့်အား အကောင်းဆုံးကူညီနိုင်ရန် အကြံပေးပညာရှင်များသည် အတွင်းပိုင်းညှိနှိုင်းမှု သို့မဟုတ် ကြီးကြပ်မှုအတွက် အပိုင်း 3.1 တွင် ဖော်ပြထားသည့် လိုအပ်သလောက်အနည်းဆုံး အချက်အလက်များကို အကူအညီပေးရေးအဖွဲ့အတွင်း မျှဝေနိုင်ပါသည်။

အဖွဲ့ပြင်ပသို့ အချက်အလက်မျှဝေခြင်းကို အောက်ပါအခြေအနေများတွင်သာ ပြုလုပ်နိုင်ပါသည်။

• သင်ကိုယ်တိုင် သို့မဟုတ် အခြားသူများ ထိခိုက်နိုင်သည့် အန္တရာယ်ရှိပါက (ဥပမာ မိမိကိုယ်ကို ထိခိုက်စေခြင်း သို့မဟုတ် အကြမ်းဖက်ရန် ခြိမ်းခြောက်မှု)
• သင့်လုံခြုံရေးအတွက် သက်ဆိုင်ရာ အာဏာပိုင်အဖွဲ့အစည်း သို့မဟုတ် သင်ယုံကြည်ပြီး သဘောတူထားသော အုပ်ထိန်းသူကို ပါဝင်စေရန် လိုအပ်ပါက
• သတ်မှတ်ထားသော ကူညီမှုရည်ရွယ်ချက်အတွက် သင့်ထံမှ တိကျရှင်းလင်းသော သဘောတူညီချက် ရရှိပါက

3.5 မှတ်တမ်းပြုစုခြင်း

သင့်တောင်းဆိုမှု သို့မဟုတ် သဘောတူညီချက်အရ သင့်ကိုယ်ပိုင်မှတ်တမ်း၊ တိုင်ကြားမှု သို့မဟုတ် အနာဂတ်ဥပဒေရေးရာအသုံးပြုမှုအတွက် အထောက်အထားများကို ထိန်းသိမ်းထားနိုင်ရန် သင့်အမှုကိစ္စကို မှတ်တမ်းတင်ရာတွင် ကျွန်ုပ်တို့ ကူညီနိုင်ပါသည်။

3.5.1 ကိုယ်တိုင်မှတ်တမ်းပြုစုခြင်း (အမှုအများစုအတွက် အကြံပြုထားသည်)

အထောက်အထားများကို လုံခြုံစွာ ကိုယ်တိုင်မှတ်တမ်းတင်ပြီး ထိန်းသိမ်းရန် နည်းလမ်းများကို လမ်းညွှန်ပေးပါမည်။ ဥပမာ -

• သက်ဆိုင်ရာ လင့်ခ်များ၊ အချိန်မှတ်တမ်းများနှင့် metadata များကို သိမ်းဆည်းခြင်း
• အကြောင်းအရာမဖယ်ရှားမီ လုံခြုံသော web archiving tools များကို အသုံးပြု၍ သိမ်းဆည်းခြင်း
• တိုင်ကြားမှု သို့မဟုတ် ဥပဒေရေးရာလုပ်ငန်းစဉ်များအတွက် မည်သည့်အချက်အလက်များ အသုံးဝင်နိုင်သည်ကို နားလည်ခြင်း

မည်သည့်အရာများကို မှတ်တမ်းတင်မည်နှင့် မျှဝေမည်ကို သင်ကိုယ်တိုင် အပြည့်အဝ ထိန်းချုပ်နိုင်ပါသည်။

3.5.2 ကူညီမှတ်တမ်းပြုစုခြင်း (ဦးစားပေးအမှုများအတွက်)

အမျိုးသမီးခေါင်းဆောင်များ၊ လူ့အခွင့်အရေးကာကွယ်သူများ၊ သတင်းသမားများနှင့် လှုပ်ရှားသူများ၏ အမှုများကဲ့သို့ အချို့သောအခြေအနေများတွင် အထောက်အထားများ လျင်မြန်စွာ ဖယ်ရှားခံရနိုင်ခြင်း သို့မဟုတ် ပျောက်ဆုံးနိုင်ခြင်းရှိပါက သင့်ကိုယ်စား အကြောင်းအရာများကို မှတ်တမ်းတင်ပြီး သိမ်းဆည်းပေးရန် ကျွန်ုပ်တို့ ကမ်းလှမ်းနိုင်ပါသည်။

ထိုသို့ဆောင်ရွက်ပါက -

• လုပ်ငန်းစဉ်ကို ရှင်းလင်းစွာ ရှင်းပြပြီး ဆက်လက်မလုပ်ဆောင်မီ သင့်သဘောတူညီချက်ကို တောင်းခံပါမည်
• အပိုင်း 3.1 တွင် ဖော်ပြထားသော လိုအပ်သည့် အနည်းဆုံးအချက်အလက်များကိုသာ စုဆောင်းသိမ်းဆည်းပါမည်
• မှတ်တမ်းအားလုံးကို လုံခြုံစွာ ကိုင်တွယ်ပြီး ကျွန်ုပ်တို့၏ ဒေတာကာကွယ်ရေးလုပ်ထုံးလုပ်နည်းများနှင့်အညီ ဆောင်ရွက်ပါမည်

3.5.3 ဥပဒေရေးရာနှင့် အခြားလွှဲပြောင်းကူညီမှုများ

အချို့သောအမှုများတွင် ထပ်ဆောင်းအကူအညီပေးနိုင်သော ပြင်ပအဖွဲ့အစည်းများ — ဥပမာ ဥပဒေရေးရာအကူအညီပေးသူများ၊ လူမှုအဖွဲ့အစည်းများ သို့မဟုတ် အထူးပြုဝန်ဆောင်မှုများနှင့် ဆက်သွယ်ရန် အကြံပြုနိုင်ပါသည်။ မည်သည့်လွှဲပြောင်းအကူအညီကိုမဆို လက်ခံရန် သို့မဟုတ် ငြင်းပယ်ရန် သင့်တွင် အမြဲတမ်း လွတ်လပ်ခွင့်ရှိပါသည်။

လွှဲပြောင်းကူညီမှု ပြုလုပ်ရန် သင့်တော်ပါက -

• လွှဲပြောင်းမှုမပြုလုပ်မီ သင့်ရွေးချယ်စရာများကို ရှင်းလင်းစွာ ရှင်းပြပါမည်
• သင့်ထံမှ တိကျရှင်းလင်းသော သဘောတူညီချက် ရရှိမှသာ မိတ်ဖက်အဖွဲ့အစည်းများနှင့် သင့်အချက်အလက်များကို မျှဝေပါမည်
• အကူအညီပေးမှုကို ဆောင်ရွက်ရန် လိုအပ်သည့် အနည်းဆုံးအချက်အလက်များကိုသာ မျှဝေပါမည်